یہ وہ قدرت کے انموال موتی جن کو اب سنبھال کے ہی رکھنا پڑے گا ۔۔کیونکہ نہ تو لکھنے والے رے اور نہ ہی وہ دھنیں بنانے والے اور سچی پوچھیں مجھے تو آوازیں بھی دن بے دن معدوم ہوتی نظر آتی ہیں ۔۔
سچ کہا سلیم بھائی،
جس طرح ہندوستان کی فلم انڈسٹری میں شاعر حسرت جے پوری اور آنند بخشی خالص فلمی شاعر تھے، اسی طرح پاکستان کی فلم انڈسٹری میں مسرور انور اور تسلیم فاضلی کا شمار کامیاب ترین خالص فلمی شاعروں میں ہوتا ہے اور ان شاعروں میں ایک بات قدرِ مشترک تھی کہ یہ انتہائی آسان زبان میں گیت لکھتے تھے اور ان گیتوں کو بڑی شہرت حاصل ہوتی تھی
تسلیم فاضلی کی ایک خوبی یہ بھی تھی کہ وہ بہت ہی تیز رفتار لکھنے والا نغمہ نگار تھا، وہ ایک سگریٹ پینے کے دوران گیت کا مکھڑا سوچتا تھا اور دوسرا سگریٹ ختم ہونے تک وہ گیت مکمل کرکے موسیقار کے ہاتھ میں تھما دیتا تھا۔
تسلیم فاضلی کو اداکارہ نشو کے ساتھ شادی راس نہ آسکی تھی اور نشو سے علیحدگی کے بعد تسلیم فاضلی بیمار ہوگیا تھا اور پھر کراچی میں بیماری ہی کی حالت میں دل کا جان لیوا دورہ پڑا اور خوبصورت گیتوں کا خالق تسلیم فاضلی اپنے خالق حقیقی سے جا ملا۔
ملکہِ ترنم نور جہاں کی گائکی لازوال حثیت رکھتی ہے۔۔۔۔
قصورکے ایک چھوٹے سے گھرانے میں جنم لینے والی اللہ وسائی حقیقی معنوں میں پیدائشی فنکارہ ثابت ہوئیں۔ وہ پہلے بے بی نور جہاں اور پھر ملکہ ترنم نور جہاں کے نام سے پوری دنیا میں پہچانی گئٰیں۔ نورجہاں فلموں میں بھی ایک نام بنا چکی ہیں۔ اُن کی ایک فلم مجھے بہت پسند تھی۔ اسِ فلم میں منور ظریف مرحوم کے بڑے بھائی ظریف بھی تھے اور نور جہاں ہیروئین ۔یاد آیا، یہ وہ دِن تھے جب فلم کامیڈی کا راج سنگھاسن گوپ، نذر یا پھر ظریف کے پاس تھا ۔
نور جہاں نے اپنی مدھر آواز اور فنی صلاحیتوں کے ذریعے گائیکی میں نئی جہتیں روشناس کرائیں اور پھروہ موسیقی کے افق کا روشن ستارہ بن کر جگمگائیں۔
نور جہاں کی گائیکی کا سٹائل دوسری گلوکارائوں سے منفرد اور مختلف تھا وہ ریکارڈنگ سے قبل پوچھتی تھیں کہ یہ نغمہ کس ہیروئین پر فلمایا جائے گا اور پھر وہ اس اندازمیں گاتیں کہ فلمی شائقین یہی محسوس کرتے کہ یہ گیت ہیروئین خود گا رہی ہے ۔
ہماری سانسوں میں آج تک وہ حنا کی خوشبو مہک رہی ہے” فلم میرے حضور کا وہ گیت ہے جو سننے والے کو کیف و سرور کے عالم میں ضرور لیجاتا ہے۔ میرا ذاتی خیال ہے یہ گیت تنہائی کے عالم میں سنا جانا چاہیئے۔”
Sher-o-Naghma. This post has been viewed 109794 times
