@drjaved
@sohailnice
سہیل بھائی اور ڈاکٹر جاوید صاحب،
این جی اُ وزانگریزی زبان میں فلاحِ عامہ کے غیر سرکاری ادارو ں اور تنظیموں کامحفف ہے۔ اس وقت دنیا کے تقریباً ہر ملک میں فلاحِ عامہ کے سرکاری اداروں کے ساتھ ساتھ غیر سرکاری تنظیموں کی بھی بھرمار ہے۔پاکستان جیسے غریب ملک میں یہ تعداد ہزاروں میں ہے جن میں رجسٹرڈ این جی اُوز کی تعداد غیر قانونی این جی اُوز کی نسبت کم ہے۔سبھی مقامی یا غیر ملکی غیر سرکاری فلاحی تنظیموں کو بہرحال مقامی حکومت سے اجازت نامہ لیناضروری ہوتا ہے تب جا کر یہ اپنی سرگرمیاں قانونی طور پر جاری رکھ سکتے ہیں۔
تاریخ میں ہمیں جن پہلی این جی اُوز کا وجود ملتا ہے ان میں ریڈ کراس اور بوائے سکاؤٹس سرفہرست تھیں لیکن آج حقوق الانسان ، گرین پیس جیسی تنظیمیں سب سے زیادہ مقبول ہیں اور عالمی وجود رکھتی ہیں ۔دنیا کے تقریباً ہر ملک میں ان کے دفاتر موجود ہیں۔
سوال اُٹھتا ہے کہ کیا ہمیں ان اداروں یا تنظیموں کی ضرورت ہے؟اگر ہے تو کیوں؟
کیا ان تنظیموں کو مفادِ عامہ کا ایک اہم عضو سمجھا جا سکتا ہے؟
کیا ان تنظیموں کی آڑ میں دیگر سرگرمیاں بھی جاری رکھنا ممکن ہو جاتا ہے؟
کیا یہ تنظیمیں کسی ملک کے لیے خطرناک بھی ہو سکتی ہیں؟
غیر ملکی این جی اُوز بہت سے عطیات کو اپنے مصروفات کی مد میں ہضم کر جاتے ہیں۔ ابتداء بہت اچھی ہوتی ہے لیکن جونہی این جی اُو کے قدم جمتے ہیں اور ساکھ بن جاتی ہے تو عطیات میں سے طرح طرح کے طریقوں کی مدد سے رقم غائب کر دی جاتی ہے اور جہاں رقم استعمال ہو نا ہوتی ہے وہا ں نہیں ہوتی۔ چونکہ یہ غیر ملکی ہوتی ہیں اس لیے حکومتِ پاکستان کو فنڈز بارے زیادہ معلومات نہیں دی جاتیں۔
کچھ این جی اُو حکومت میں اعلی عہدوں پر فائز چلا رہی ہیں۔ فنڈز وہ بھی کھا جاتی ہیں لیکن اور کی این جی اُوز کے طور طریقے اور ایجنڈا عموماً ہماری معاشرتی اور مذہبی اقدار سے متصادم بھی ہوتا ہے۔
سب سے خطرناک وہ ہیں جو رفاہی کاموں کی آڑ میں ڈیٹا مائننگ کر رہی ہوتی ہیں جو معلومات کی شکل غیر ممالک کو ہمارے ملک اور ہمارے باشندوں کی پروفائلنگ میں استعمال کی جاتی ہیں۔
ان میں سے بہت سی لبرل تہذیب کے پرچار کے لیے ہوتی ہیں۔ ان کا مقصد پاکستانیوں بلخصوص خواتین کو بااختیار اور خود مختار بنانا ہوتا ہے۔کچھ غیرمسلم مذہبی تنظیمیں بھی این جی اُوز کی شکل میں تعلیم، طبی سہولیات اور گھریلو صنعتوں کے فروغ کے لیے بظاہر کام کر رہی ہوتی ہیں لیکن ان کا اصل ایجنڈا لوگوں کو اُن کے اپنے مذہب کی طرف راغب کرنا ہوتا ہے۔
جاری ہے۔۔۔۔
پاکستان میں غیر ملکی این جی او کے فراڈ کی ہوشربا داستان. This post has been viewed 778 times
Sohail AhmedOffline
