سیاسی تھیڑHome Page › Forums › Chit-Chat-گپ شپ › سیاسی تھیڑ
SEMirza. This post has been viewed 1253 times
SEMirzaسلیم رضاء بھائی
یہ ڈرامہ لکھتے ہوئے غالباً وصی شاہ ذہنی ارتکازِ توجہ سے دور تھا ورنہ خواجہ سراؤں پر ڈرامہ تشکیل دینا خانہ پُری کہلاتا ہے جب لکھاری کا ذہن کہیں اور ٹِکا ہو اور اسے ڈرامے کی قسط لکھ کر دینا بھی ضروری ہو۔
میں نے وصی شاہ کی شاعری اور نثر دونوں دیکھ رکھی ہیں اور مطالعہ کے بعد میرا اس ادیب و شاعر کے بارے نظریہ یہ بنا کہ وصی واقعتاً حساس ہے اور ایک حساس اِنسان کے لیے شادی جیسا موضوع کثیرالعنوان زاویے رکھتا ہے۔ یہ ایک ایسا موضوع بھی ہے جو بجا طور پر پاکستان کا اجتماعی سماجی مسئلہ کہا جا سکتا ہے۔
جغت بازی کی حد تک یہ اپروچ درست ہے جب تماشبین یعنی دیکھنے والے سستی تفریخ کے متقاضی ہوں۔
خوانہ سراؤں کے بارے میرا ایک خیال یہ ہے کہ ایسے انسان کی تخلیق میں نہ تو قصور ان کے والدین کا ہے اور نہ ہی خود ان کا ۔اللہ تعالی نے انہیں ایسا ہی پیدا کیا ہے، اعتراض تو کسی کا بھی نہیں بنتا۔پھر بھی ہم انہیں تضحیک اور تذلیل کا ہدف بنائے رکھیں تو یہ سریحاً زیادتی ہو گی۔یہی ڈرامہ انہی کرداروں کو لیتے ہوئے اس خلق اللہ کی سماجی مشکلات پر لکھا جاتا تو یہ ایک طرح کی خدمت ہوتی۔
سلیم رضاء بھائی، میں نے اللہ تعالی کی اس مخلوق بارے دیگر ادیب حضرات کے مضامین کو پڑھا تو مجھے یہ معلوم ہوا کہ خواجہ سرا جب پیدا ہوتا ہے تو ماں باپ اس سے لاتعلق ہو جاتے ہیں۔ یہاں تک کہ اسے پناہ صرف خواجہ سراؤں کے پاس ہی مل پاتی ہے۔ اس کے بعد ہی وہ اس زندگی کو اپناتے ہیں جس کی بنا پر ہمارے معاشرے اور سماج میں خواجہ سرا سے نفرت کی جاتی ہے۔
You must be logged in to reply to this topic.
